Katryn- skaap

Het ‘n ruk terug al by my kerel se plaas gaan kuier. Hulle bly in die krummeltjie-stukkie-dorpie met die naam Kameel. Dit is baie klein met nie veel meer as nodig nie. (Drankwinkel, skool(kie), die Shop, en wel ja) Dit is heerlik daar!

Ek en my engel loop toe die woensdag op die plaas en gaan kuier vir die skape. Dis toe dat ek die lammetjie sien wat so eensaam teen die draad le en nie kermend agter sy mamma-skaap aanhol (soos die res van die wit-bondel-cute-fluff-lammetjies) nie. En ek, met my sagte harkie, kan dit nie daar laat nie.

Ons het toe die middag weer ‘n draai gaan maak en die lammetjie (wat ek intussen Katryn-skapie gedoop het) le toe nogsteeds net daar langs die draad. En my harkie-al klaar vol skapies-breek net daar! Dis toe laat ek weer opdaag met ‘n tietiebottel louwarm-pronutro-melkies en smeek Katryn om ‘n slukkie te vat. Nee, se my kerel se pa dis te koud die ding gaan nie drink nie. Die ding! Die ding! En ek se vir my engel, SY SAL drink!

So loop ons toe terug huistoe met katryn in my arms, ons gaan heater toe, die skaap kry koud.

Ek het my woensdagaandjie dan nou voor die heater spandeer met Katryn in my arms, en later het ons haar melkies gevoer met ‘n inspuiting. My harkie was nog meer skaap. En engel se ma lag net en sy se vir my;

“Jong, jy beter nie huil as die skaap vrek nie!” (ek sallie tannie, se ekke) Die volgende oggend lewe Katryn. En sy Me(eee) ons almal wakker. En ek sit weer voor die heater. En katryn wil nie drink nie. En katryn wil nie regop sit nie. En katryn Me nie meer nie.

Ai, katryn. Ai my lam. Katryn skapie vrek toe 3uur die middag en engel se ma vra my;

“Jong, huil jy?” En ekke se, Nee tannie, daar’s iets inmy oog.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: